SKOPJE CASUAL

Од утре, 15-ти ноември, концептуалнта продавница Lotus Design Store официјално ја започнува продажбата на новите колекции есен–зима 2014/2015 на македонските (модни) дизајнери.

Покрај постоечките брендови кои до сега сме ги виделе во Lotus Design Store (Скопје Сити Мол, втор кат до Bo Bowling) за прв пат ќе бидат претставени колекциите на тројца нови дизајнери, и тоа Јован Петровски со моделите од своите брендови Squire и Blackout, брендот JZJ на дизајнерот Златко Јовановски со колекцијата Страшен суд и брендот Сино студио на Ема Николова со колекцијата на мебел {trikoN}.

Единствено до сега не сме напишале ништо за брендот „Сино студио“ на Ема Николова, која прв пат ја забележавме и нè воодушеви на Skopje Design Week со нејзината колекција на уникатен мебел „Трикон“ која покрај модните дизајнери, ќе може да се најде во Lotus Design Store.

Покрај новите брендови, ќе може да ги видите и новите колекции на дизајнерите чии парчиња веќе можевте да ги видите во Lotus Design Store – Росица Мршиќ и Елена Спасовска, колекцијата „Тајмлес“ на брендот КУФЕР од дизајнерката Андријана Динева, „Кирилица“ на Стефанија Насеска и „Зебра“ на Ирина Тошева. Но исто така, може да се купат и колекциите есен-зима на Le Brand на Лили Кадинска, 4 Сезони на Марта Мирова, Macci на Мариа Спасеска и Vibrazioni на Александра Митковска.

Контакт: Lotus Design Store :: Skopje City Mall 2 кат :: hello@lotusgeneration.com :: 070 382 902

English translation at the end of the post