Росица Мршиќ вчера го затвори осмото издание на Моден Викенд Скопје во Музејот на град Скопје каде во ограничен простор со малку публика ја претстави својата најнова колекција во облик на перформанс. Моделите полека дефилираа по две нивоа на скали и си ги заменуваа местата, оставајќи нè да ги забележуваме нитките кои го спојуваа секој нареден модел со претходниот.
Напластените карнери и големите јаки кои веќе се препознатлив стил на Росица беа забележливи и низ оваа колекција чија структура на женственост е инспирирана од 50-те, со строги геометриски завршетоци инспирирани од модата на 60-те години. Интересните текстилни шеширчиња, дезенираните хулахопки и јаката шминка која надополнуваше боја од некој од другите детали (макар и дното на чевлите) беа она што оваа колекција ја направија специфична и уште поинтересна.
English translation at the end of the post.
