Уште од старт да се оправдаме: сè уште сме под импресии од второто издание на Film Boutique (во превод: ни иде да го гушнеме светот и сите вас што дојдовте :), ако постов е малку поемо од што треба, простете ни :)
Вчера, со почеток во 13ч заедно со најсупер Tiiiit!-овки го отворивме второто издание на Film Boutique, овој пат тема ни беа 90те. Ако ви кажеме дека подготовките ни изгледаа вака:
можете да замислите какви бевме на денот на настанот :)
Започнавме со проекција на филмот „200 Cigarettes” и уште од старт нè снајде проблем – нè изненади големата посетеност, па моравме да се снаоѓаме за место.
За среќа, веќе за проекцијата на вториот филм „Еmpire Records“ направивме поголемо гледалиште па така еден куп љубители на модата и филмовите си уживаа во филмот и зборуваа за карирани сукњички, скејтерски фармерки, млада Liv Tyler, adidas патики, ретро музика, и носење на одлуки со помош на M&M’s.
Трет филм на ред беше „Pulp Fiction“. Од шишки и бела кошула до 5$ милкшејк и хамбургер, секој си ги споделуваше омилените моменти од култниот филм додека грицкаше од Филм Бутиковските пуканки.
За крај го оставивме „Clueless“. Concept 37 се преполни, делевме лижавчиња и пенкалца со пуфки, и да, аплаудиравме кога се бација на крај :))
Овогодинешниот Film Boutique го завршивме со журка со 90’s музика, заслуга на DJ/VJ/најбоља Јана. Денсавме и пеевме, и имавме special performance од две наши омилени дами :)
Сè на сè, и овој Film Boutique за нас беше преубаво искуство! Уште еднаш, фала ви од сè срце на сите кои дојдовте, изгледавте филмче, грицнавте пуканки, пиевте кафе, нè гушнавте и си отидовте. Ни го разубавивте и денот и блогот и лежерното Скопје!
п.с. Tiiiit! Inc. ве сакаме! :)
