Минатиот четврток на наше големо задоволство бевме дел од првиот „печа куча“ настан во Македонија. Околу 21ч се собравме на платото помеѓу Чифте Амам и Ла Кања, и заедно со осум други креaтивци (или екипи на креативци) ги презентиравме идеите со кои се гордееме.
Презентирањето дефинитивно беше предизвик за нас. 20 слајдови, секој слајд по 20 секунди, три презентерки, часови и часови материјал за раскажување за Skopje Casual. Сепак, и покрај малку (читај мноооогу) трема успеавме да се снајдеме и да им раскажеме на сите присутни зошто постои Skopje Casual, што сакаме да постигнеме и што сме направиле досега. Целосната презентација наскоро ќе можете да ја погледнете и слушнете на pechakucha.org, а дотогаш ви пренесуваме само дел од атмосферата на првата печа куча вечер во Скопје :)
English translation at the end of the post
